自從Meow B好番之後, 身形有增無減, 除了繼續佢既神經質同埋妄想被害症之外(苦笑~我們都已經習慣了), 佢成日追住媽咪勁咬, 仲要咬住唔放, 好彩佢知道邊個係米飯班主, 所以唔敢咬我。作為一家之主, 目睹呢d欺凌事情, 實在無法忍受, 唯有扮獅子(冇錯, 係獅子!) 嚇退敵人(Meow B)。
經過我細心思考之後, 大致得出幾個可能性:
第一, 太討厭媽咪
由於Meow B太過討厭媽咪, 只好不斷向她施以毒手, 為求發洩佢心中既不滿, 佢死口咬住唔放, 直到媽咪投降為止, 手法非常殘暴, 令人毛骨悚然。
如果係咁既話, 我都好明白Meow B既感受, 有個地方可以讓他發洩, 亦未嘗不是一件好事。
第二, 磨尖牙齒
Meow B的牙齒需要經常保持最鋒利狀態, 先能提高其進食速度(目標每秒鐘5粒貓糧!), 而媽咪的皮膚非常嫩滑, 最適宜Meow B訓練之用, 因為太粗糙會弄傷自己的牙肉嗎, Meow B深明養生之道, 怪不得身體越來越肥大肉厚啦, 佩服佩服!!!
第三, 同媽咪玩遊戲
恨既反面當然係愛啦! 與其說Meow B討厭媽咪, 不如
說他太喜歡媽咪。由於媽咪日間工作比較忙碌, 回家後自然想休息輕鬆一下, 好似睇下雜誌, 或者係上下網呀咁。像Meow B呢個年紀既小朋友極需要母愛!佢需要媽媽既安慰同照顧, 所以主動逗媽咪玩亦不難理解。不過, 玩都有好多種, 唔一定要咬人先好玩, 其實Meow B可以試下” 跳火圈”、”尋寶” (註一)或者”自言自語” (註二)等等, 不過作為一個人我覺得冇咩好玩啫。
可是, 當媽咪被襲後, 通常都會向爸爸求救, 那時間爸爸又怎可以袖手旁觀呢?真係幾煩!
註一: Meow B先將指定物件踢入梳化/鋼琴底部, 然後用手(前足)撩返佢地出黎。
註二: Meow B習慣做每一件事情, 先用貓話交代說明, 例如: 想吃飯, 先叫”我食飯先!真係幾有家教。
0 comments:
Post a Comment